Ազգային Առաջնորդարանի Բնակարանային յանձնախումբի նպատակն է մատչելի պայմաններով եւ փոխատուութեան ճամբով օգտակար հանդիսանալ մեր ժողովուրդի կարիքաւոր ընտանիքներուն։
Բնակարանայի յանձնախումբը սկսած է իր գործունէութեան 1990-1991 թուականներուն, երբ Ազգային Իշխանութիւնը ընդառաջելով օրուան Լիբանանի Հայոց Թեմի Առաջնորդ Արամ Արք․ Քէշիշեանի (Այժմու Կաթողիկոս Մեծի Տանն Կիլիկիոյ) առաջարկին, որոշած է «մեր ժողովուրդի կարիքաւոր ընտանիքներուն մատչելի սակերով ու պայմաններով բնակարան ապահովելը Ազգային Առաջնորդարանի ժողովրդային ծառայութեան առաջնահերթ մտահոգութիւններէն ու կարեւոր բնագաւառներէն մին դարձնել»։
Ծրագրէն կրնան օգտուիլ բոլոր անոնք, որոնք՝
- Ամուսնանալու եւ ընտանիք կազմելու ծրագիր ունին։
- Երկար տարիներէ ի վեր վարձու բնակարանի մը մէջ կը բնակին։
- Իրենց ներկայ բնակարանը առժամեայ հանգամանք ունի (մուսատարա), վատառողջ պայմաններու մէջ կը գտնուի, ինչպէս նաեւ՝ տարածութեամբ կամ յարմարութիւններով անբաւարար է ընտանիքի թիւին համեմատ։
Ծրագիրը իր գործունէութեան շրջագիծը ճշդած է Պուրճ Համուտը, որովհետեւ շրջանին մէջ հայութեան համախումբ ներկայութիւնը էական է եւ կը կարօտի համազգային նեցուկի։ - Տնտեսական դժուարութիւններ կը դիմագրաւեն, եւ որեւէ յարկաբաժինի, հողաշերտի կամ շէնքի սեփականատէր չեն։
Յանձնախումբի նոր ծրագիրներէն մէկն է «Արի Տուն»-ը, որուն ճամբով վաճառքի դրուած է Պուրճ Համուտի Սին Էլ Ֆիլ տանող մայրուղիին վրայ բնակելի յարկաբաժիններ եւ խանութներ։
Մանրամասնութեանց եւ պայմաններուն ծանօթանալու համար կրնաք ներկայանալ Ազգային Առաջնորդարան, Բնակարանային յանձնախումբի գրասենեակ։ - 2020-2022 երկամեայ տարեշրջանի համար նորընտիր Բնակարանային յանձնախումբի անդամներն են՝ Մեթր Թալին Սահակեան (ատենապետ), Ցոլակ Թորոսեան, Համբիկ Միսիրլեան, Վիգի Այնթէպլեան, Գէորգ Շիրէճեան, Լիլա Քէնտիրճեան եւ Արամ Պէքարեան։
- 2023-2025 երկամեայ տարեշրջանի համար նորընտիր Բնակարանային յանձնախումբի անդամներն են՝ Մեթր Թալին Սահակեան (ատենապետ), Լիլա Քէնտիրճեան, Շանթ Ալեէմէզեան եւ Պետիկ Լօճիկեան։