Լիբանանի Հայոց Թեմի Դատաստանական Խորհուրդը կը կատարէ Լիբանանի Հայ Առաքելական Համայնքի դատաստանական գործերը՝ համաձայն Լիբանանի Հայ եկեղեցւոյ անձնական իրաւանց եւ Հայաստանեայց եկեղեցւոյ անձնական եկեղեցւոյ անձնական իրաւանց ատեաններու դատավարութեան կանոններուն։

Նշեալ երկու կանոնները մշակուած են Լիբանանի Հանրապետութեան 2 Ապրիլ 1951-ի օրէնքին հիման վրայ, որ վաւերացուած են Լիբանանի Թեմի Գաւառական Ժողովէն եւ հաստատուած Մեծի Տանն Կիլիկիոյ Կաթողիկոսութեան եւ Լիբանանի պետութեան կողմէ։

Դատաստանական Խորհուրդին մաս կը կազմեն երեք քահանաներ եւ երեք աշխարհականներ, որոնք կը նշանակուին Ազգային Վարչութեան Խառն Ժողովին կողմէ։ Դատաստանական Խորհուրդի նախագահը Սրբազան Առաջնորդն է։

Դատաստանական Խորհուրդի անդամներն են՝ Տոքթ․ Վարուժ Պետիրեան (ատենապետ), Արա Յակոբեան, Վիգի Թորիկեան, Տ․ Յարութիւն Ա․ Քհնյ․ Կոստանեան, Տ․ Միքայէլ Քհնյ․ Տէմիրճեան եւ Սիմէոն Քհնյ․ Կարապետեան։

Վերադատ Ատեանի անդամներն են՝ Գերշ․ Տ․ Շահէ Եպս․ Փանոսեան, Դոկտ․ Գրիգորիս Պողարեան, Թամար Տէր Պետրոսեան, Վերա Պչաքճեան, Տ․ Խաչիկ Քհնյ․ Միսիրեան, Տ․ Սարգիս Քհնյ․ Սարգիսեան եւ Տ․ Մաշտոց Քհնյ․ Քէշիշեան։

All Rights Reserved, Armenian Prelacy of Lebanon | Website by Alienative.net