Ս. Քառասնից Մանկանց Եկեղեցին հիմնուեցաւ 1929-ին, իսկ եկեղեցւոյ օծումը կատարուեցաւ 1930-ին, ձեռամբ Գերպ. Տ. Եղիշէ Արք. Կարոյեանի:

Եկեղեցւոյ հողը տրամադրեց Մարաշի Հայրենակցական Միութիւնը: Եկեղեցւոյ անունը ճշդուեցաւ «Սրբոց Քառասնից Մանկանց», ի յիշատակ Մարաշ քաղաքի համանուն եկեղեցւոյ:

Մարաշ քաղաքէն գաղթած Տ. Յակոբ Քհնյ․ Արսլանեան ձեռնարկեց հանգանակութեան մը։ Եկեղեցւոյ ճարտարապետական աշխատանքները ստանձնեց ճարտարապետ Միքայէլեան (Ուստա Կարապետ)։ Եկեղեցւոյ տիկնանց միութիւնը պաշտօնապէս կազմուեցաւ 1959-ին։

1962-ին եկեղեցին ենթարկուեցաւ վերանորոգութեան եւ տախտակաշէն խորանները նորոգուեցան եւ մարմարէ հայկական ոճով խորաններու վերածուեցան  (ճարտարապետ` Գէորգ Էմմիեան): Աւագ խորանը նորոգեցին Քէօրօղլանեան եղբայրները, աջակողմեան խորանը՝ Յակոբ Օրջանեան, ձախակողմեան խորանը՝ Մէյրի Լիւլէճեան, իսկ մկրտարանը՝ Յովհաննէս Գազէզեան։

Երկրորդ նորոգութիւնը տեղի ունեցաւ 1981-ին, երբ եկեղեցիին առաստաղը վնասուեցաւ Լիբանանի քաղաքացիական պատերազմի ընթացքին եւ պարբերաբար մինչեւ 1989 վնասուեցաւ եւ անմիջապէս նորոգուեցաւ:

Եկեղեցւոյ հոգեւոր հովիւներն են՝

• Տ. Արսէն Քհնյ. Տէր Յովհաննէսեան
• Տ. Յակոբ Քհնյ. Արսլանեան
• Տ. Մեսրոպ Քհնյ. Էլմաճեան
• Տ. Հմայեակ Քհնյ. Տէր Պետրոսեան
• Տ. Վազգէն Քհնյ. Ներկիզեան
• Տ. Գրիգոր Քհնյ. Սէօքիւնեան
• Տ. Պարգեւ Քհնյ. Յովհաննէսեան
• Տ. Թորգոմ Քհնյ. Կէօվօղլանեան
• Տ. Խորէն Քհնյ. Ներսէսեան
• Տ. Բաբգէն Քհնյ. Քէնտիրճեան
• Տ. Սահակ Քհնյ. Պալեան
• Տ. Արսէն Քհնյ. Քէշիշեան
• Տ. Վաչէ Քհնյ. Թաթոյեան
• Տ. Սեւակ Քհնյ. Վասիլեան
• Տ. Յարութիւն Քհնյ. Կոստանեան
• Տ․ Շնորհք Քհնյ․ Տէր Արթինեան (Այժմու Հոգեւոր հովիւ)։

Ս․ Քառասնից Մանկանց Եկեղեցւոյ այժմու Թաղական խորհուրդի անդամներն են՝  Կարօ Աբրահամեան (ատենապետ), Հրայր Ինճէեան, Մովսէս Քիրէճեան, Սեւակ Ալեէմէզեան, Յարութ Թէքկէլեան, Գէորգ Շահինեան, Ասքանազ Սաղպազարեան, Յովհաննէս Յովհաննէսեան  եւ Աբրահամ Կրպոյեան։

12 Մարտ 2023-ին, տեղի ունեցաւ Թաղական խորհուրդի ընտրութիւն: Նորընտիր Թաղական խորհուրդի անդամներն են՝ Յարութ Թէքկէլեան (ատենապետ), Սեւակ Ալեէմէզեան, Մովսէս Քիրէճեան, Գէորգ Շահինեան, Ասքանազ Սաղպազարեան, Սագօ Սթիլեան եւ Գէորգ Շահինեան: